महाराष्ट्रातील आदित्य विजय ब्राम्हणे यांना मरणोपरांत राष्ट्रीय बाल पुरस्कार जाहीर

नवी दिल्ली/मुंबई, दि. १९: प्रधानमंत्री राष्ट्रीय बाल पुरस्कार (पीएमआरबीपी) – असामान्य क्षमता आणि उत्कृष्ट कामगिरी करणाऱ्या मुलांना दिला जातो. शौर्य, कला आणि संस्कृती, पर्यावरण, नवोन्मेष, विज्ञान आणि तंत्रज्ञान, समाजसेवा आणि क्रीडा या श्रेणींमध्ये उत्कृष्ट कामगिरी करणाऱ्या ५ ते १८ वर्षे वयोगटातील मुलांना हे पुरस्कार दिले जातात. प्रत्येक पुरस्कारार्थीला  पदक, प्रमाणपत्र आणि प्रशस्तीपत्र दिले जाते.

राष्ट्रपतींच्या हस्ते २२ जानेवारी, २०२४ रोजी विज्ञान भवन येथे आयोजित समारंभात पुरस्कार प्रदान केले जातील. यंदाच्या प्रधानमंत्री राष्ट्रीय बाल पुरस्कारासाठी देशातील सर्व विभागांमधून असामान्य कामगिरी करणाऱ्या १९ मुलांची निवड करण्यात आली आहे. पंतप्रधान नरेंद्र मोदी २३ जानेवारी, २०२४ रोजी राष्ट्रीय बाल पुरस्कार विजेत्यांशी संवाद साधतील. २६ जानेवारी २०२४ रोजी प्रजासत्ताक दिनाच्या संचलनातही ही मुले सहभागी होतील.

निवड झालेल्या मुलांच्या यादीमध्ये शौर्य, विज्ञान आणि तंत्रज्ञान आणि नवोन्मेष या श्रेणींमध्ये प्रत्येकी एका मुलाचा तर समाजसेवेच्या श्रेणीत चार मुलांचा; क्रीडा प्रकारात पाच आणि कला आणि संस्कृती श्रेणीत सात मुलांचा समावेश आहे. या यादीत १८ राज्ये आणि केंद्रशासित प्रदेशातील ९ मुले आणि १० मुलींचा समावेश आहे. यादी खालीलप्रमाणे आहे.

प्रधान मंत्री राष्ट्रीय बाल पुरस्कार – २०२४