‘मुख्यमंत्री-माझी लाडकी बहीण’ योजनेचा लाभ देण्यासाठी बँकेची प्रक्रिया सुरू झाल्याची महिला व बालविकास मंत्री आदिती तटकरे यांची माहिती 

मुंबई, दि. १४: मुख्यमंत्री माझी लाडकी बहीण  योजनेचा  लाभ देण्यासाठी बँकेची प्रक्रिया सुरू झाली आहे. असे महिला व बालविकास मंत्री आदिती तटकरे यांनी सांगितले. महिला व बाल विकास मंत्री आदिती तटकरे यांच्या अध्यक्षतेखाली मुख्यमंत्री माझी लाडकी बहीण योजनेची आढावा बैठक झाली. यावेळी महिला व बालविकास विभागाचे सचिव अनूपकुमार यादव, आयुक्त डॉ. प्रशांत नारनवरे, बँकेचे अधिकारी उपस्थित होते.

महिला व बाल विकास मंत्री तटकरे म्हणाल्या की, राज्यात आतापर्यत १ कोटी ६४ लाख ४० हजारपेक्षा अधिक महिलांची नोंदणी पूर्ण झाली आहे. अजूनही नोंदणी प्रक्रिया सुरू आहे. यासाठी पात्र महिलेचे बँक खाते आधार लिंक असणे आवश्यक आहे. असेही तटकरे यांनी  यावेळी सांगितले.