भारतीय रेल्वेकडून ६००० व्या रेल्वे स्थानकावर वाय-फाय यंत्रणा कार्यान्वित

भारतीय रेल्वेने आता ६००० व्या रेल्वे स्थानकावर वायफाय सुविधा कार्यान्वित केली आहे.

प्रवाशी आणि सर्वसामान्यांना डिजिटल व्यवस्थेशी जुळवून घेता यावे म्हणून रेल्वे दुर्गम स्थानकातही ही सुविधा देणार आहे.

झारखंड राज्यातील हजारीबाग जिल्ह्यातील हजारीबाग शहर या पूर्व-मध्य रेल्वेच्या धनबाद विभागातील स्थानकात आज वाय फाय सुविधा कार्यान्वित करत आज रेल्वेने वाय फाय सुविधा असलेल्या ६००० स्थानकांचा टप्पा पार केला आहे.

जानेवारी २०१६ मध्ये भारतीय रेल्वेने मुंबई येथे वाय फाय सुविधा देत या उपक्रमाची सुरूवात केली. पश्चिम बंगालमधील मिदनापूर हे वाय फाय सुविधा मिळवणारे ५०००वे स्थानक ठरले आणि आता हजारीबाग येथे आज वाय फाय सुरू करून ती संख्या ६००० स्थानंकांपर्यंच पोचवली आहे. आजच ओदिशा जिल्ह्यातील अंगुल विभागातील जरपदा स्थानकातही ही सुविधा कार्यान्वित करण्यात आली.

रेल्वे स्थानकांवरील वायफाय सेवेमुळे भारत सरकारच्या ‘डिजिटल इंडिया’या महत्वाकांक्षी कार्यक्रमाचे लक्ष्य गाठणे सोपे  झाले आहे. ग्रामीण भागातील डिजिटल पाऊलखुणा ठळक करत ग्रामीण व शहरी भागांमधील डिजिटल दरी दूर करण्याचे काम यामुळे होते, त्याचप्रमाणे वापरकर्त्यांच्या अनुभवविश्व विस्तारालाही चालना मिळते. रेल्वे स्थानकांवरील वाय फाय सुविधा ही कायमस्वरूपी असून त्याचा कोणताही आर्थिक भार रेल्वेवर पडत नाही. रेल्वे मंत्रालयाच्या अखत्यारीतील रेलटेल या सार्वजनिक सेवा उपक्रमाच्या मदतीने ही सुविधा दिली जात आहे. गुगल, USOF च्या अखत्यारीतील दूरसंचार विभाग (DOT) , PGCIL व टाटा ट्रस्टच्या सहभागातून हे काम पूर्ण केले जात आहे.

महाराष्ट्रात आतापर्यंत ५५० रेल्वे स्थानकांवर वाय फाय सुविधा देण्यात आली आहे.

राज्यागणिक वायफाय ची सूची पहा: