२ जानेवारी रोजी मान्यवरांच्या शुभहस्ते होणार द्रोणागिरी महोत्सवाला प्रारंभ
उरण, दि.३०(विठ्ठल ममताबादे): द्रोणागिरी स्पोर्ट्स असोसिएशन तर्फे दि. २ ते ६ जानेवारी २०२२ रोजी जिल्हास्तरीय २१व्या युवा महोत्सवाचे आयोजन करण्यात आले आहे. एन.एम.एस.ई. (सेझ) मैदान, पोलीस चौकी जवळ, केअर पॉईंट हॉस्पिटल समोर, बोकडवीरा, तालुका उरण येथे मोठ्या थाटामाटात मान्यवरांच्या उपस्थितीत कोरोना विषयक सर्व नियम व अटींचे पालन करत, मास्क व सॅनिटायझरचा वापर करून नियमांच्या अधीन राहून हा महोत्सव संपन्न होणार असून विविध देशी विदेशी असे १३२ हून अधिक स्पर्धांचा या महोत्सवात समावेश आहे. या वर्षी स्पर्धेचे उद्घाटन रायगड जिल्ह्याच्या पालकमंत्री आदिती तटकरे यांच्या हस्ते होणार असून अनेक मंत्री, दिग्गज नेते, विविध सामाजिक, शैक्षणिक, कला, क्रीडा, सांस्कृतिक क्षेत्रातील नामवंत प्रसिद्ध व्यक्ती, सर्वच राजकीय पक्षाचे पदाधिकारी यांच्या उपस्थितीत हा महोत्सव संपन्न होणार आहे.
पर्यावरण मंत्री आदित्य ठाकरे, रायगड जिल्ह्याच्या पालकमंत्री आदिती तटकरे, महाराष्ट्र राज्याचे पाणीपुरवठा व स्वच्छता मंत्री गुलाबराव पाटील, क्रीडा मंत्री सुनील केदार, मावळ लोकसभा मतदार संघांचे खासदार श्रीरंग बारणे, आमदार भरत गोगावले, आमदार महेंद्र दळवी, आमदार महेंद्र थोरवे, शेतकरी कामगार पक्षाचे नेते तथा आमदार बाळाराम पाटील, माजी आमदार मनोहर भोईर, काँग्रेस नेते महेंद्र घरत, आर. सी. घरत, राष्ट्रवादी काँग्रेस पार्टीचे महाराष्ट्र राज्य प्रदेश सरचिटणीस प्रशांत पाटील, भावना घाणेकर, डॉ. मनिष पाटील, जे एन पी टी चे विश्वस्त दिनेश पाटील, भूषण पाटील, उद्योगपती राजेश डाके, दिपक शेलार(शेलारमामा यांचे वंशज), नारायण कलमबे-नरवीर तानाजी मालुसरे यांचे वंशज (मुलगी उमा कडून), अनंत गोळे-छत्रपती शिवाजी महाराज यांच्या पायदळाचे प्रमुख सरनौबत पिलाजी गोळे यांचे वंशज, रमेश सोनावणे-महावीर चक्राने सन्मानित कृष्णाजी सोनावणे यांचे सुपुत्र, उत्तम पिंपळे-पालघर शिवसेना जिल्हाप्रमुख तथा माजी महापौर, योगेश अवसरे-सिने अभिनेता, मनीष ठोंबरे-चित्रपट कलावंत, सरिता खेरवासिया-सिने अभिनेत्री, उद्धव कुमठेकर-शिवसेना शिर्डी लोकसभा मतदारसंघ संपर्कप्रमुख, अंकुशमहाराज कुमठेकर-गायनाचार्य व मृदुंगाचार्य, तारादीदी-प्रजापिता ब्राह्मकुमारी ईश्वरीय विद्यालय पनवेल सेवा केंद्र प्रमुख, संतोषदीदी-अध्यक्ष सहयोग स्नेह सेवा संस्थांन, डॉ. मधु मिलिंद निमकर-रायगड सुंदरी, साक्षी परांजपे-सिने अभिनेत्री या प्रमुख मान्यवरांची उपस्थिती यावेळी असणार आहे. तसेच द्रोणागिरी भूषण पुरस्कार, विशेष पुरस्कार विविध क्षेत्रातील मान्यवरांना देण्यात येणार आहे. तरी जास्तीत-जास्त रसिक प्रेक्षकवर्गाने या महोत्सवात सहभागी व्हावे असे आवाहन द्रोणागिरी स्पोर्ट्स असोसिएशनचे अध्यक्ष महादेव घरत यांनी केले आहे.
